पछिल्लो भेटमा कान्छीले मतिर फर्केर भनिन
"यो पटकको होली बसन्तपुरमा मनाम न है.."
है पछाडी उद्गार चिन्ह छ यो प्रश्न थिएन
सुझाब पनि थिएन यो योजनामाथिको लालमोहर थियो
म अवाक भए बोल्न सकिन आवाज निस्कदै निस्केन
न मौन समर्थन,न चर्को बिरोध अह म बोलिन ।।
दिउसो चिया भेटमा साथीले बडो मज्जाले भनेका थिए
अङ्ग्रेजी हुन्कारका साथ
"Holi is a sexy festival its all about opportunities "
बसन्तपुर गैन्छ
छोटा भिजेका लुगाहरु
कलिला तिघ्राहरु
बयस्क गालाहरु
छुने मुसार्ने
अनि त के के के के
म कान्छीलाइ लिएर बसन्तपुरमा कसरी जाम
म आफ्नै साथीसँग आफ्नी कान्छीलाइ जोगाउन
सक्दिन भने होलीका नाममा नशामा मात्तिएका
आबेगमा लठ्ठिएका हजारौ पिपासुबाट मेरी कान्छीलाइ उसकै सर्वप्रिय ठाम बसन्तपुरमा कसरी जोगाउछु
म कान्छीलाइ के भनम
कारण के बताम आफ्नो मौनताको
म उसलाइ उसले लाउने लुगामा बन्देज लाउन सक्दिन
उसको पसन्द ना पसन्दमा पनि बोल्न सक्दिन
न त बसन्तपुर नजाम भन्न नै सक्छु ।।
कहिले चाडका नाममा
कहिले मेलापातका नाममा
कहिले झलमल्ल अध्यारोमा
कहिले निस्पट उज्यालोमा
कहिले बसमा
कहिले माइक्रोको अन्तिम सिटमा
आजपनी
मेरा कान्छीहरु असुरक्षित छन।।
कान्छी..
अहिले ९ किलासमा पढ्ने मेरी भान्जी हुन
१२ कक्षाको परिक्षा तयार गरिरहेकी सानी बहिनी हुन..
मेरी कान्छी
२०७३ /११/०१
Comments
Post a Comment